Día 27 de Setembro: aniversario dos CDR

Hoxe estase a celebrar en todo o país o 49 aniversario da creación dos Comités de Defensa da Revolución.
Como xa expliquei noutro post, en cada cuadra existe un CDR, que é o órgano asambleario máis baixo do sistema político cubano. Dende o Venres estanse a realizar xa actos ó respecto: condecorouse a algúns cederistas pola súa boa labor ó longo do ano e pola eficacia de traballos voluntarios. O Sábado pola noite na maioría dos CDR facíase unha cea de confraternización entre os veciños, e o Domingo (é dicir, hoxe), realizaríase unha xornada de voluntariado nacional. Os puntos máis destacados son a recuperación das zonas públicas (limpar ou pintar unha rúa, por exemplo) ou o coidado de zonas verdes. Nas zonas rurais un tema importante era a axuda na produción agraria (moitísimas labores de voluntariado fanse na recollida de produtos agrarios).
Ademáis, moitos CDR realizaron actos do máis diverso tipo durante a fin de semana. Hoxe, paseando por Prado (na Habana Vella), atopeime cun deles: cun modesto equipo de son, varios grupos de nenos pertencentes ó CDR desa cuadra fixeron bailes e cantaron. Exactamente igual a cando se fai algún acto nun colexio, cunha obra de teatro ou algún baile, pero na rúa. Eran en total uns 20 nenos, e no público había unhas 60 persoas, a maioría delas familiares. Foi realmente interesante porque non é nada normal ir pola rúa e atopar nenas bailando chachachá vestidas de bailarinas…Entre as actuacións poñían música para que a xente non se aburrira e os paseantes quedaran a mirar (puxeron unha que sonaba totalmente a Víctor Jara, que dicía “En cada barrio un Comité, en cada barrio Revolución”)
Onte pola noite atopeime con varias fogatas onde estaban facendo a cea os veciños, e había bastante ambiente. Podías atopar grupos dunhas 20 persoas falando mentras se preparaba a comida. Esperaba que houbese máis ambiente pola noite, pero non atopei grandes festas pola zona da Beca.
Ademáis toda a cidade cambiou de cor durante estos días. Atopas pintadas nas paredes ou nas carreteras (parece que pasa o Tour por alí) que poñen “Viva los CDR” ou calquera outra consigna. Case todos os CDR colgaron bandeiras cubanas ou do M-26-J dalgún edifio, e moitos deles cubriron as paredes con papelinas de cores, como nunha festa. Tamén é moi normal ver pósters con alegorías á Revolución ou fotos de Fidel colgadas das ventanas.

Esta entrada ha sido enviada el 28. Septiembre 2009 a 00:39 y ha sido registrada en Actos Oficiais. A través del RSS 2.0 feed podrá acceder a las respuestas. Puede dejar una respuesta o realizar el trackback desde su sitio web.