25. Octubre 2009 by Outes.

Xa me deron a miña primeira asignación mensual:
1 desodorante
Medio kg de deterxente para lavar a man
Un xabón para lavar roupa
2 xabóns para a ducha
1 coitela de afeitar
Unha pasta de dentes
Non é moito, pero polo menos os útiles de aseo xa non os tes que mercar.

Publicado en Educación, Residencia | 7 comentarios »

22. Octubre 2009 by Outes.

Esta semana estase a realizar a Semana da Cultura Cubana. Durante 7 días haberá diversos actos todas as tardes, dende presentacións de libros a concertos, con conferencias e exposicións.
Todos os actos fanse no Pavillón Cuba, que está ó lado da miña Facultade, así que podo ir sen moito problema. Teño un exame este Venres, así que non é moi boa semana, pero onte aproveitei que estaba por alí e fun ó concerto de Chucho Valdés, un dos jazzman máis prestixiosos do país. En Cuba fálase sempre de latin-jazz, polas influencias da salsa e ritmos africanos. Recomendo a todo o mundo que se pare 5 minutos a buscar música de Chucho Valdés, porque vale a pena escoitalo. Tocou co seu grupo, e ademáis acompañárono o trompetista Alexander Abreu (unha persoa moi querida en Cuba), e un coro feminino chamado Sexto Sentido. O concerto durou algo máis dunha hora, e foi moi entretido. Estiven preguntando un pouco e parece ser que é un músico moi respetado a nivel internacional, non só no panorama cubano.
Despois do concerto estiven co grupo de xente máis extraño que me xuntei dende que cheguei a Cuba: catro cubanos, unha francesa, tres alemanas, un austríaco, unha noruega, unha brasileira e eu. Fusión de culturas a máis non poder! Entenderse con tantos acentos diferentes era bastante complexo, pero o austríaco incluso se atreveu a contar un par de chistes!
Pena de ter que estudar, porque tería sido unha noite moi divertida!

Publicado en Música | 1 comentario »

20. Octubre 2009 by Outes.

Esta fin de semana viaxei á cidade de Cienfuegos. É a capital da provincia homónima, situada no centro da illa. Con menos de 140.000 habitantes, esta cidade fundada por colonizadores franceses a comezos do século XIX presenta un dos cascos históricos máis importantes de Cuba, declarado Patrimonio Mundial pola UNESCO. Pasear por Cienfuegos dá unha visión diferente da arquitectura cubana, xa que a cidade está chea de pequenas casas coloniais francesas, algo que non é moi común ver noutras cidades do arquipélago.
A miña viaxe comezou o Venres á última hora da mañá, cando collín o autobús que me levaría á cidade. A viaxe foi de pouco máis de 4 horas, sen complicacións. Outra vez a parada de rigor na mesma área de servizo de sempre, á que xa lle estou collendo cariño. Dentro do propio autobús acercóuseme unha señora para ofrecerme unha casa particular na que podería quedarme se me interesaba. Regateamos un pouco e ó final aceptei (saiume un pouco caro, pero o almorzo ía incluído, e menudo almorzo!), así era unha cousa menos na que tiña que pensar ó chegar á cidade.

Ver resto de la entrada »

Publicado en Viaxes | 4 comentarios »

18. Octubre 2009 by Outes.

Publicado en Música, Fotos | 1 comentario »

15. Octubre 2009 by Outes.

O Domingo pola mañá espertamos ben cedo pra sair cara a Habana. Ás 6 da mañá collimos a nosa máquina (esta vez sen problemas de cola) e saímos de Güines. En menos dunha hora estabamos xa na cidade, e marchamos cara La Coubre, a terminal de autobuses que se encarga de dar viaxes en lista de espera.

Ver resto de la entrada »

Publicado en Música, Fotos, Viaxes | 4 comentarios »

14. Octubre 2009 by Outes.

Esta fin de semana Edel (un rapaz da miña beca que estuda microbioloxía, e vive na habitación 03 da miña área) invitounos a min e a Lucía á súa casa, nun pequeno povo de Provincia Habana, a uns 50 kilómetros da cidade, chamado Güines.
Tiñamos que marchar o Sábado pola mañá todos xuntos, pero a última hora Edel avisounos que tiña que facer uns recados na Habana, e chegaría pola tarde, que nós fosemos á casa dos seus avós (onde vive) e estivésemos con eles, que tampouco se ía retrasar moito. A esto das 11 saímos da beca (ó día anterior fomos ó concerto de Manu Chao, así que non tivemos presa por madrugar…), e collimos unha guagua para chegar á outra esquina da Habana, dende onde saían os transportes para Güines. Non hai guaguas para esos povos de Provincia Habana, así que o que se utilizan son máquinas (coches dos anos 50 que funcionan como taxi a baixo prezo). O sistema é simple: ti chegas ó punto de saída das máquinas, preguntas na cola que se forma quen é o último para saber cal é o teu turno, e cando ves que chega unha máquina comezas a correr para intentar colarte o máximo posible. Pero nós non sabiamos a última parte! Estivemos como hora e media alí mirando como a xente se volvía tola cando aparecía un dos coches para intentar entrar neles. Unha señora montounas porque se acaba de colar moita xente e ela perdera o seu sitio, así que non deixou sair máis máquinas. Montouse un cristo enorme! Obrigou a baixar a todo o mundo e a volver a subir todos en orde. Ó final a señora non entrou, pero bueno, polo menos púxose un pouco de orde! O señor que controla que todo funcione ben (un tipo que leva chaleco vermello pero que non fai nada máis que dicir o destino, realmente…) veu que se desmadraba demasiado e deunos numeriños a todos. Así xa se faría todo moito máis fácil! Ver resto de la entrada »

Publicado en Viaxes | Ningún comentario »

14. Octubre 2009 by Outes.

Lucía, Manu Chao e eu!

Si, a bandeira está do revés, non me din conta no momento!

Publicado en Música, Fotos | 3 comentarios »

14. Octubre 2009 by Outes.

O Venres pasado, Manu Chao tocou na escalinata da Universidade da Habana un concerto en homenaxe á morte do Comandante Che Guevara. Xunto con el tocarían varios trovadores da cidade e Kelvis Ochoa.
Fun ó concerto con Lucía, Basem (un rapaz libanés da Beca) e Eddy (tamén vive con nós na Beca, xa rematou de estudar e adícase a pintar). O concerto comezaba ás 21:00, así que decidimos estar por alí a iso das 20:00 para pillar sitio diante. Non sabiamos a cantidade de xente que podía mover Manu Chao en Cuba, pero cando chegamos alí case non había ninguén. Xusto cando chegamos saiu a probar o equipo, así que escoitamos 3 cancións case nós sós!

Ver resto de la entrada »

Publicado en Música | 1 comentario »

9. Octubre 2009 by Outes.

Estos últimos 7 días estiven indo ó Chaplin a ver o ciclo de cine: “Los últimos 70 años de guerras vistos por el cine”. 2 películas diarias durante case 2 semanas no propio cine Chaplin.
O cartel moi variado: dende películas feitas nos anos 40 até producións actuais, de diversos países. Destacar películas como Stalingrado (produción alemana baseada na batalla de Stalingrado, a través das vivencias de soldados alemáns. Moi interesante por dar a perspectiva alemana), Enemigo a las puertas (tamén na batalla de Stalingrado, xa un clásico do cine bélico, narra a historia do francotirador Basile Zaitsev), Días de Gloria (o exército francés recluta soldados nas súas colonias, e 5 arxelinos integraranse ás súas filas. Unha interesante película sobre o racismo dentro das filas aliadas), El Puente sobre el Río Kwai (todo un clásico), etc.
Quería falar en particular dunha película que non coñecía: Amén. Unha coprodución de Francia, Alemania, Rumanía e Estados Unidos. Conta a historia dun soldado das SS con profundas conviccións relixiosas que, a comezos de 1936, desubre por casualidade os proxectos de campos de exterminio nazis. Intentará comunicarse por todos os medios con diferentes cargos da Igrexa, incluído o Papa, para lograr un comunicado que mobilice á poboación alemana fronte ó goberno.
Unha moi boa reprodución da posición que mantivo a Igrexa durante a II Guerra Mundial. A película tivo moitísima repercusión, e creouse unha importante polémica a raiz da posición que tivo a Igrexa unha vez presentado o filme.
Moi recomendable!
E para a semana, ciclo de cine soviético!

Publicado en Cine | 6 comentarios »

4. Octubre 2009 by Outes.

Todos os datos que utilizarei neste post foron ofrecidos nas conferencias “Desarrollo Social en Cuba”, pola profesora Ángela Ferriol, directora do Instituto Nacional de Investigaciones Económicas, e “Pobreza, empleo y exclusión social en América Latina”, impartida polo profesor Enrique Vázquez, Director Institucional Development, da Universidade de La Pacífico, en Lima, Perú, que se levaron a cabo durante o ISEEM. Ver resto de la entrada »

Publicado en Economia | Ningún comentario »