Acto de presentación das FEU

Hoxe, día 30 de Setembro, coincidindo co aniversario da chegada á Secretaría Xeral das FEU de José Antonio Echeverría, celebrouse o acto de presentación dos novos alumnos membros á Federación Estudantil Universitaria.
As FEU son a organización de masas máis antiga de toda Cuba. Todo estudante universitario pertence ás FEU por dereito, a cal ten as funcións de organización estudantil (fai charlas, pertence á Xunta de Goberno correspondente da Universidade, etc)
O acto realizouse na Praza do Campus universitario. Todos os alumnos de 1º ano (e os alumnos novos non de primeiro, como é o meu caso), reúnense alí por facultades, e entrégaselles o seu carnet das FEU. Este é o carnet que se utiliza como acreditación universitaria, non é que teñas outro da Universidade da Habana.
No acto estiveron presentes toda a dirección das FEU (evidentemente), unha vicedecana da Universidade da Habana e o secretario do Partido Comunista de Cuba para a Universidade. O acto iniciouse facendo o reconto dos mártires das FEU: por megafonía dixeron o nome de todos os mortos durante as sucesivas dictaduras até 1959, comezando por Mella e rematando con Echeverría, pasando por xente como Rubén Batista. A cada nome, todo o mundo berra “Presente!”. Póñense os pelos de punta, porque eramos moitos alí! Despois escoitouse o himno cubano, subiu un representante de cada Facultade a recoller o seu carnet de forma simbólica, e felicitóusenos por pertencer oficialmente á Universidade e ás FEU. Despois o Presidente das FEU de cada Facultade repartiu os carnets a todos os novos alumnos. Este é o carnet!

Esta entrada ha sido enviada el 1. Octubre 2009 a 00:44 y ha sido registrada en Actos Oficiais, Educación. A través del RSS 2.0 feed podrá acceder a las respuestas. Puede dejar una respuesta o realizar el trackback desde su sitio web.