Efectos do Bloqueo a Cuba (V): Educación e cultura

Para comezar, podemos utilizar unha cifra: o sistema educativo cubano debe facer fronte a prezos entre un 25 e un 30% superiores ós prezos internacionais de mercadorías e servizos educativos. Ca Enmenda Torriceli prodúcese esta situación: en lugar de mercar estos produtos nos Estados Unidos, Cuba debe adquirilos no mercado asiático, polo que os fletes aumentan en gran medida en artigos de escaso prezo. Pero estos mesmos barcos non poden arrivar en Cuba porque non poderían despois amarrar nos Estados Unidos, así que o produto se estaciona nun terceiro país. A flota cubana vai a ese terceiro país (xeralmente cercano) e transporta cara un porto da illa a mercadoría. Obviando o factor tempo, que tamén é importante, temos un encarecemento medio de 500$ por contenedor.

A situación na educación especial é máis sensible: moitas veces os equipos necesarios son importados de países lonxanos por non poder facelo dende os Estados Unidos, o que dificulta a súa chegada. Un exemplo son as máquinas de Braille que se utilizan na ensinanza de nenos cegos ou con dificultades visuais: o prezo en Estados Unidos é de 700$, Cuba debe importalos a un prezo superior ós 1.000$; por otra banda, moitas veces vese incapacitada para conseguir o papel Braillón.
Na cultura a situación é tamén moi grave. A imposibilidade da nazón cubana de participar en eventos internacionais ou nos Estados Unidos é obvia. Un exemplo foi a visita do Ballet Nacional de Cuba (un dos 3 mellores do mundo, segundo os especialistas) no ano 2003. As súas 20 actuacións terían reportado 200.000$, pero ó estar Cuba bloqueada todos os actos foron realizados sen contraprestación para o Ballet Nacional. Polo menos conseguiron o visado para entrar no país.
En canto ó sistema de ensinanza cultural, durante o ano 2004 Cuba realizou compras por valor de 2.4 millóns de $, o que supón 100.000$ máis soamente en fletes ó que costaría mercar na Unión. A rede de bibliotecas tamén está afectada: o sistema de Epígrafes CD Dewey, utilizado en máis de 200.000 bibliotecas do mundo como sistema de ordenamento dixital da colección non pode ser adquirido en Cuba a causa do bloqueo.
A edición de publicacións no estranxeiro tamén está afectada: ó non poder utilizar bancos norteamericanos para o pago de cheques ou realizar transaccións, o goberno cubano perde até o 30% dos ingresos que recibiría por este concepto.
En Cuba non se pode adquirir directamente a película Kodak, ó mesmo tempo que non teñen licenza para utilizar o sistema de son Dolby, o que dificulta a boa proxección de cine.
Ó igual que no caso da sanidade, na educación e a cultura reprodúcense os casos nos que profesionais cubanos non poden asistir a encontros nos Estados Unidos.

Esta entrada ha sido enviada el 17. Marzo 2010 a 16:42 y ha sido registrada en Imperialismo. A través del RSS 2.0 feed podrá acceder a las respuestas. Puede dejar una respuesta o realizar el trackback desde su sitio web.