Fotos Oriente (IV): Holguín e Gibara

O último post con fotos da viaxe a Oriente. Holguín é unha das provincias cubanas máis tranquilas, coñecida por ter un dos complexos hoteleiros máis importantes do país (Guardalavaca) e porque nela está Birán, o pequeno pobo onde naceu Fidel Castro. Eu non fun a ningún dos dous sitios, e só estiven na capital (Holguín) e en Gibara, un pequeno pobo mariñeiro, onde se estaba a celebrar o Festival de Cine Pobre.
Aquí estou eu na Loma da Cruz, un pequeno monte ás aforas de Holguín, cunhas vistas panorámicas impresionantes da cidade. Como o seu nome indica, tamén hai unha cruz por alí, que se puxo a finais do século XVIII para aliviar a sequía que se vivía no país. Non sei se aliviaron a sequía, pero xa vos digo que calor aínda fai de carallo. Para morrer!

Tomando algo con Rafael, o rapaz da beca que me invitou á súa casa en Holguín. Por favor, se algunha vez estades en Cuba, nunca, pero NUNCA, pidades un zumo sabor tomate. En serio, é o peor que se puido inventar nunca.

En Gibara, nun pequeno monumento a Camilo Cienfuegos, un dos meus personaxes históricos favoritos!

Esta foto non a tirei eu (xa me gustaría!). Con motivo do festival estábase a realizar unha exposición sobre o Sáhara, e tiñan colgada esta imaxe cuns textos de Eduardo Galeano.

Con Rafael e Yanetsy (nome típicamente cubano!) facendo o paiaso en Gibara

E este son eu con Yisell (dereita) e a súa irmá, con quenes nos atopamos en Gibara. Foi a incrible familia que me acolleu en Guantánamo durante un par de días despois de coñecelas en Santiago de Cuba na Universidade. Débolles un favor grande!

Esta entrada ha sido enviada el 4. Junio 2010 a 18:17 y ha sido registrada en Fotos, Viaxes. A través del RSS 2.0 feed podrá acceder a las respuestas. Puede dejar una respuesta o realizar el trackback desde su sitio web.