23. Mayo 2010 by Outes.

Despois dos terremotos que se veñen rexistrando en todo o planeta, Cuba comezou un plan especial de actuación a través da Defensa Civil, sobre o que se está a realizar esta fin de semana unha campaña informativa, nun exercicio chamado Meteoro 2010. É ben sabida a capacidade de reacción que existe en Cuba ante ciclóns, que na actualidade practicamente non reportan case casos de pérdidas de vidas humanas, aínda que é un dos países máis expostos a estos fenómenos. Sen embargo, desta volta as campañas informativas estanse levando a cabo en base a terremotos e tsunamis, porque a illa (en especial a zona Oriental), está moi preto dunha falla tectónica, e as posibilidades de que ocorra algo son grandes. Despois do de Haití (terremoto que se notou en Cuba), está claro que viron a posibilidade real de que pasase algo, e agora estanse tomando medidas de prevención por se pasa algo.
Así, hoxe déronnos unha charla informativa sobre que facer en caso de ciclón, terremoto ou maremoto. Explicóusenos ante quen respondemos por ser estudantes en caso de que haxa catástrofe, ós puntos ós que debemos movernos en caso de desastre e como actuar nesas situacións. A charla impartiuna un membro do Consello de Dirección da Beca, e pasaron por alí tamén o Reitor da Universidade da Habana e o Ministro de Educación Superior. Efectivamente, o Ministro foi á beca para ver se se están realizando ben as novas medidas que se están tomando. Moi interesante ver alí ó tipo falándonos de que era importante moverse rápido, que non vaiamos por vías transitadas para evitar o caos, e cousas así!
Unha mostra da importancia que se lle presta á Defensa Civil, a ver se noutros sitios aprenden.

Publicado en Actos Oficiais, Residencia | 1 comentario »

20. Mayo 2010 by Outes.

Recordando que por estos días deben estar a realizarse os actos polo Día das Letras Galegas, vin varias conmemoracións aquí en Cuba.
O 17 de Maio, mentras por Galiza a xente andaba de manifestación, en Cuba celebrouse o día nacional do campesiño. O día conmemórase porque o 17 de Maio de 1959 aprobouse a primeira Lei de Reforma Agraria. Ademáis, a ANAP (Asociación Nacional de Agricultores Pequenos) estaba en Congreso, que se pechou o propio día 17
Ó mesmo tempo, tamén se celebrou o Día contra a homofobia (non sei se este é internacional), que culminou nun acto presidido por Mariela Castro (a filla de Raúl Castro), como presidenta do Centro para a Educación Sexual de Cuba.
Tamén me enterei de que o 17 de Maio é o día internacional contra a hipertensión, así que un saúdo a todos os hipertensos dende aquí.
Por outra banda, o día 19 de Maio conmemórase a caída en combate de José Martí, o prócer cubano, a mans de soldados españois, en 1895. Casualidades da vida, o mesmo día, pero 5 anos antes, nacera Ho Chi Minh, ó que tamén se lle fixo un acto con vietnamitas no monumento á súa persoa, que está na Habana.

Publicado en Actos Oficiais | 1 comentario »

2. Mayo 2010 by Outes.

Publicado en Fotos, Actos Oficiais | 4 comentarios »

30. Abril 2010 by Outes.

O pasado Domingo 25 (cando se cumplían 8 meses da miña chegada a Cuba), realizáronse as eleccións parciais ás 169 Asembleas Municipais do Poder Popular que hai no país.
Dadas as particularidades do sistema electoral cubano, vou ver se dou feito unha especie de mini-análise sobre como se realizan. En Cuba o sistema electoral non é multipartidista (non existen partidos políticos fóra do Partido Comunista de Cuba), as eleccións son directas, a idea é buscar un modelo de democracia participativa ante o modelo burgués de democracia representativa (que é o que nós coñecemos).

Ver resto de la entrada »

Publicado en Vida en Cuba, Actos Oficiais, Sistema Electoral | Ningún comentario »

1. Marzo 2010 by Outes.

Debía unhas fotos, así que para volver postear despois da semana de HAVMUN, non me parece mal:

Ver resto de la entrada »

Publicado en Fotos, Actos Oficiais, Libros | Ningún comentario »

19. Febrero 2010 by Outes.

A semana que vén (dos días 22 a 26) terá lugar o HAVMUN 2010, un encontro anual no que se crea un modelo da Organización das Nacións Unidas. Organizado pola delegación da ONU en Cuba, a UJC e a FEU, leva funcionando dende fai 15 anos. O sistema é simple, establécense diversas comisións como as da ONU (Seguridade, Asamblea Xeral, Dereitos Humanos e Economía & Sociedade), e unha serie de países participan nelas. Cada estudante representa unha delegación dun país nunha comisión determinada. Este servidor ocupará a honorable delegación da República de Sudán na Comisión de Economía e Sociedade, que ten como temas emprego pleno e traballo decente e trata de persoas. Como podedes ver, Sudán é un país marabilloso para ambos tópicos, así que esto promete ser divertido.
Na miña comisión somos 45 países, e 19 dos delegados virán de outras universidades, en especial dende países como México ou Ecuador.
As sesións son dende as 8 da mañá ás 3 da tarde, e ó sair posiblemente teremos que seguir traballando nas resolucións e enmendas, así que se a semana que vén estou un pouco perdido actualizando e contestando correos, mea culpa!

Publicado en Actos Oficiais, Educación | 1 comentario »

13. Febrero 2010 by Outes.

O Xoves 11 de Xaneiro inaugurouse de forma oficial a feira do libro, o evento cultural máis importante en Cuba. Este ano o país invitado será Rusia (fai 2 anos fora Galiza), e adicaráselle ós escritores cubanos Reynaldo González e María del Carmen Barcia. Hoxe estiven por alí, e podo asegurar que teñen razón cando din que é o evento cultural máis importante do país, porque é impresionante. Nuns días subirei algunhas fotos e comentarei as cousas que vou vendo. Polo momento adianto que este evento é tan aberto que até a Fundación Federico Engels anda por aquí.

Publicado en Actos Oficiais, Libros | Ningún comentario »

29. Enero 2010 by Outes.

O 28 de Xaneiro naceu José Martí, e para conmemoralo, o 27 de Xaneiro pola noite realízase unha marcha. Ás 12 da noite do 27, comeza a Marcha das Antorchas.
Dende 1953 vense realizando este acto en memoria do prócer cubano. Se algo teñen os cubanos é que saben organizar marchas, e en lugar de facer un acto sobre a vida de José Martí o que fan é unha manifestación con antorchas pola cidade, dende a Escalinata da Universidade até o Malecón. Na marcha participan sobre todo estudantes universitarios (foron as FEU as que o “inventaron”), pero tamén podes ver membros das FAR (Forzas Armadas Revolucionarias), agregados do MININT (Ministerio do Interior), estudantes non universitarios e civiles.
Na escalinata congrégase a xente dende as 10 da noite até as 12, que comeza o acto. Alí dan petróleo e algo para queimar, e se tes un pouco de sorte incluso pode que consigas a antorcha. A maioría da xente levamos a antorcha xa feita da casa. Un breve resumo de como se fai unha antorcha na nosa beca:
Colles un pao calquera (como por exemplo o pao da escoba), e fas un burato na súa parte superior por un lateral, onde terás que meter un tornillo (como por exemplo un tornillo da porta rota da habitación de diante). Consigues unha lata (mellor que non sexa de refresco, porque hai que cortala. No noso caso foi unha lata de salchichas en conserva, graciñas pola comida mami!). Utilizas o tornillo para enganchar a lata á parte superior do pao (onde fixemos antes o burato) e apretas. Xa temos unha antorcha! Colles calquera trapo (como por exemplo a camiseta vella para durmir de Edel, e marchas para a Escalinata.
Edel ca “antorcha”:

É verdadeiramente impresionante ver toda a rúa chea de xente con antorchas. A xente das FAR leva unha bandeira cubana enorme, que iluminada cas antorchas queda realmente ben. Polo demáis, típico acto en Cuba, con cancións de Silvio antes de comezar, e arengas durante toda a marcha. Chama moito a atención que non hai ningunha consigna, a xente non berra nas manifestacións en Cuba, o que as fai máis aburridas. Só cando a xente da megafonía berra “¡Patria o muerte!”, os manifestantes contestan “¡Venceremos!”, ou “¡Vivan Fidel y Raul!”, que se di “¡Vivan!”, pero dende a xente, de forma espontánea, non sae nada.

Publicado en Actos Oficiais, Personaxes Históricos | 5 comentarios »

14. Enero 2010 by Outes.

Nunha das escalas da viaxe Lima - La Habana entereime do terremoto que acababa de producirse en Haití. Despois de chegar ó destino final busquei informarme algo do que pasaba en Cuba (en especial no Oriente) pola cercanía entre ambos países.
Máis de 30.000 persoas foron evacuadas nas provincias de Santiago de Cuba e Guantánamo cara zonas altas cercanas ás súas residencias ante un perigo de tsunami. Esto fíxose na hora seguinte a que se producise o terremoto, e finalmente o aviso de que xa non había risco de que éste ocorrese chegou pouco máis das 18:00 (hora local), así que a xente estivo fóra das súas casas menos de dúas horas. Defensa Civil xa non mantén a alerta ante o perigo de algún tipo de desastre neste aspecto, e parece que a posibilidade de réplicas que poidan afectar á illa son mínimas.
Por outra banda, hoxe (Xoves 14), as noticias que abrían Granma e Juventud Rebelde eran sobre os colaboradores cubanos en Haití. Informábase de que todos os cooperantes se atopaban en boas condicións, con só dous feridos leves, pero que un estudante de Contabilidade e Finanzas que estaba a realizar un Posgrao en Porto Príncipe foi atopado en estado grave, e xa é atendido por médicos cubanos. Estos cooperantes son 152 persoas, que se atopaban no país antes de que sucedese o terremoto, ofrecendo servizos a través de diversas Brigadas Internacionalistas cubanas (brigada médica, de educación, etc). Os médicos cubanos instalaron un hospital de campaña, e dende o Mércores unha brigada de choque para desastres naturais saiu do país e xa está operando en Haití. Interesoume saber a axuda internacional que estaba chegando, porque a CNN+ estaba informando o Martes que en USA xa se estaba debatindo enviar axuda ó país, e incluso o alcalde de New York pensaba enviar cooperantes. Finalmente, parece ser que enviaron a 30 efectivos de diversos campos, como inxeñeiros e expertos en comunicación. Mirando un pouco, e utilizando unhas pobres matemáticas, parece ser que a cantidade de efectivos enviados dende USA, Canadá e a Unión Europea é menor á cantidade de cubanos en Haití ANTES do terremoto. Que vergonza vivir no primeiro mundo.
Polo demáis, moitísima expectación a ver que pasa con Haití. A ver en que remata isto…

Publicado en Vida en Cuba, Actos Oficiais, Xornalismo | Ningún comentario »

8. Diciembre 2009 by Outes.

Con motivo do 31 Festival de Novo Cine Latinoamericano (escribirei del cando remate), celebrouse esta fin de semana un ciclo de conferencias que levaban por título “Estados Unidos y Latinoamerica: lo que fue, lo que debiera ser y lo que va a ser”. Na xornada do Sábado presentaríase un panel de 4 persoas, entre as que destacaban Néstor Kohan (Arxentina), e Bernard Cassen (Francia)
A charla tivo moitísima polémica, así que vou explicar un pouco por riba do que falaron e a ver se debatimos un pouco, que para iso está o blog. Ver resto de la entrada »

Publicado en Actos Oficiais, Imperialismo | 15 comentarios »