17. Junio 2010 by Outes.

Outro dos posts que tiña ganas de escribir. Aproveito que onte fixemos unha charla na beca sobre os medios de comunicación en Cuba con 2 xornalistas do diario Juventud Rebelde, e así podo falar con máis coñecemento de causa (e de paso para dicir que en Cuba hai debates, e pódense expresar as opinións que un queira, para esa xente que só fala paiasadas sobre o país). Este é dos temas onde máis crítica se fai, tanto aquí como fóra, así que a ver se dou escrito as cousas con xeito.

Ver resto de la entrada »

Publicado en Vida en Cuba, Xornalismo | 7 comentarios »

30. Abril 2010 by Outes.

Como asumo que todo o mundo sabe quen é Yoani Sánchez, e a súa posición a través dos medios occidentais tradicionais, pois publico unha entrevista que lle fixo o xornalista francés Salim Lamrani, que por suposto non apareceu no blog de Yoani, e da que non se vai falar en Europa. Para reflexionar!

Ver resto de la entrada »

Publicado en Xornalismo, Imperialismo | 2 comentarios »

3. Marzo 2010 by Outes.

Esta é a portada do Domingo pasado do Juventud Rebelde, xusto foron poñer a foto de cando a miña comisión estaba de pé! A ver quen me atopa!

Publicado en Fotos, Xornalismo | Ningún comentario »

3. Marzo 2010 by Outes.

Dende fai uns días viñéronme chegando correos de varias persoas sobre a morte en prisión despois dunha folga de fame de Orlando Zapata. O día 27 de Febreiro saiu un artigo en Granma (o xornal máis lido do país), ca explicación do sucedido. Foi portada e ocupaba practicamente unha páxina. Por agora está habendo bastante debate entre a xente, porque foi un tema delicado. Vou transcribir textualmente o artigo, para que a xente teña as 2 perspectivas (a que saiu no País en especial) e a dos cubanos:
Ver resto de la entrada »

Publicado en Xornalismo | 4 comentarios »

14. Enero 2010 by Outes.

Nunha das escalas da viaxe Lima - La Habana entereime do terremoto que acababa de producirse en Haití. Despois de chegar ó destino final busquei informarme algo do que pasaba en Cuba (en especial no Oriente) pola cercanía entre ambos países.
Máis de 30.000 persoas foron evacuadas nas provincias de Santiago de Cuba e Guantánamo cara zonas altas cercanas ás súas residencias ante un perigo de tsunami. Esto fíxose na hora seguinte a que se producise o terremoto, e finalmente o aviso de que xa non había risco de que éste ocorrese chegou pouco máis das 18:00 (hora local), así que a xente estivo fóra das súas casas menos de dúas horas. Defensa Civil xa non mantén a alerta ante o perigo de algún tipo de desastre neste aspecto, e parece que a posibilidade de réplicas que poidan afectar á illa son mínimas.
Por outra banda, hoxe (Xoves 14), as noticias que abrían Granma e Juventud Rebelde eran sobre os colaboradores cubanos en Haití. Informábase de que todos os cooperantes se atopaban en boas condicións, con só dous feridos leves, pero que un estudante de Contabilidade e Finanzas que estaba a realizar un Posgrao en Porto Príncipe foi atopado en estado grave, e xa é atendido por médicos cubanos. Estos cooperantes son 152 persoas, que se atopaban no país antes de que sucedese o terremoto, ofrecendo servizos a través de diversas Brigadas Internacionalistas cubanas (brigada médica, de educación, etc). Os médicos cubanos instalaron un hospital de campaña, e dende o Mércores unha brigada de choque para desastres naturais saiu do país e xa está operando en Haití. Interesoume saber a axuda internacional que estaba chegando, porque a CNN+ estaba informando o Martes que en USA xa se estaba debatindo enviar axuda ó país, e incluso o alcalde de New York pensaba enviar cooperantes. Finalmente, parece ser que enviaron a 30 efectivos de diversos campos, como inxeñeiros e expertos en comunicación. Mirando un pouco, e utilizando unhas pobres matemáticas, parece ser que a cantidade de efectivos enviados dende USA, Canadá e a Unión Europea é menor á cantidade de cubanos en Haití ANTES do terremoto. Que vergonza vivir no primeiro mundo.
Polo demáis, moitísima expectación a ver que pasa con Haití. A ver en que remata isto…

Publicado en Vida en Cuba, Actos Oficiais, Xornalismo | Ningún comentario »

22. Diciembre 2009 by Outes.

Hoxe tiven oportunidade de ler en Internet os artigos que estos xornais fan sobre a última sesión da Asemblea Nacional do Poder Popular de Cuba. Quería facer algunhas puntualizacións sobre os dous artigos, para aclarar algunhas dúbidas que se poidan presentar e, por que non, para dicir en que partes están mentindo literalmente.
Xa aviso que esto vai ser un post bastante longo, pero creo que paga a pena que a análise sexa o suficientemente profunda:

Ver resto de la entrada »

Publicado en Xornalismo | 6 comentarios »

12. Diciembre 2009 by Outes.

Amanecerá parcialmente nublado en zonas de la costa norte occidental y central, con poca nubosidad en el resto del país. Desde el final de la mañana estará parcialmente nublado con aisladas lluvias. Será otro día cálido, con temperaturas máximas entre 30 y 33ºC, superiores en la porción sur oriental. Los vientos soplarán del Sudeste en todo el país hasta 25 kilómetros por hora. Habrá poco oleaje en todas las costas.

Chover non chove nunca, pero a temperatura é totalmente exacta!

Publicado en Xornalismo | 4 comentarios »

2. Diciembre 2009 by Outes.

Artigo escrito por Gabriel Laesprella, estudante uruguaio de 4º de Socioloxía becado en Cuba. A tradución é miña.

O Domingo 29 de Novembro do presente ano 2009 desenvolveuse en Uruguay a segunda volta das eleccións presidenciais. O candidato do gobernante Frente Amplio José Mujica resultou gañador con case o 53% dos votos. O seu opoñente, o ex presidente Luis Alberto Lacalle do conservador Partido Nacional obtivo pouco máis do 43% do total de votos emitidos.

O Frente Amplio, surxido en 1971, é unha coalición progresista de case vinte partidos e movementos políticos de diferente extracción social e ideas políticas, pero comparte en común unha declaración de principios e un mesmo programa político. Entre esos grupos que conforman a coalición de esquerda atópanse os históricos partidos Socialista e Comunista, grupos de cristianos de base, ex guerrilleiros, personalidades e sectores independentes, e escisiones dos partidos políticos tradicionais. Flúe de esta forma na dinámica frenteamplista a definición dialéctica de unidade na diversidade.

Cando o Frente Amplio accedeu ó goberno por primeira vez en Marzo do 2005, máis do 30% da poboación estaba baixo a liña da pobreza, un de cada dous nenos vivía en condicións de extrema pobreza, a desocupación rozaba o 20% da población, o aparato produtivo do país estaba desmembrado, etc, etc.

O goberno frenteamplista reestableceu relacións diplomáticas con Cuba, creou o Ministerio de Desenvolvemento Social (MIDES), e a través de dito ministerio implementou o Plan Nacional de Emerxencia que establecía suvencións económicas ós sectores máis desfavorecidos socialmente, e a estos individuos incluíuselles en bolsóns de traballo de distintos sindicatos para reinsertarse laboralmente, a maioría dos nenos pobres ingresaron ó sistema educativo, cincuenta mil infantes accederon á atención médica, creouse un Hospital de ollos con axuda de persoal médico especializado cubano, e xa se realizaron máis de cincocentas mil operacións oftalmolóxicas gratuitas, otorgóuselle a cada estudante de escola primaria da educación pública unha computadora portátil.

Ademáis de todas estas grandes transformacións socio económicas realizadas polo goberno encabezado por Tabaré Vázquez, reinstaláronse os Consellos de Salarios, e asegurouse o dereito dos traballadores de organizarse sindicalmente e de realizar convenios colectivos de traballo ca contrapartida da patronal, pero tendo como mediador ó goberno. Creouse o sindicato das traballadoras domésticas, sector social historicamente superexplotado. Iniciouse o proceso de organización sindical dos traballadores rurais. Con estas medidas guberanamentais de respaldo ós traballadores, a Central Única de Traballadores, o PIT-CNT, aumentou en máis do 50% o número dos seus afiliados.

A nivel parlamentario a xestión dos lexisladores da coalición progresista tamén foi moi ardua e produtiva. Creáronse máis de 35 proxectos de lei, que despois foron consagradas como leis.

Iniciouse o proceso da Reforma Educativa, cun programa global nacional que reúna ás áreas educativas públicas e privadas.

Creouse un Fondo Nacional de Saúde, que ten por obxectivos fundamentais o aseguramento a todos os habitantes da nazón o acceso á saúde, independentemente dos seus recursos económicos.

En materia internacional, o goberno frenteamplista ademáis do xa mencionado reestablecemento de relacións diplomáticas con Cuba, apoiou o fortalecemento de organismos de integración rexional como o MERCOSUR, a UNASUR, e medios de comunicación alternativos como TELESUR.

O primeiro de Marzo de 2010 asumirá a presidencia José Mujica. O novo período de goberno terá ó Frente Amplio novamente con maiorías parlamentarias nas dúas cámaras lexislativas.

Mujica, de 74 anos, un líder tupamaro, ex guerrilleiro, que sufriu 13 anos de prisión durante a última ditadura en Uruguay (1973-1985), é un carismático político, que co seu discurso sinxelo e a súa ruptura cos vellos esquemas do protocolo do sistema político uruguaio teñen grandes grados de influencia sobre todo nos sectores máis humildes da sociedade, terá o histórico desafío de continuar co proceso de cambios que o Frente Amplio iniciou en 2005, en beneficio dos sectores históricamente olvidados e excluídos pola rancia oligarquía criolla aliada do capital transnacional financeiro, nesta nova ola de múltiples gobernos progresistas en América Latina que cas súas particularidades propias pretenden construir un modelo de país de inclusión social antagónico á concepción máis nefasta do capitalismo, o neoliberalismo.

Publicado en Xornalismo | 1 comentario »

26. Noviembre 2009 by Outes.

Dende fai uns días recibín varios correos preguntando sobre Yoani Sánchez, a escritora do blog Generación Y, con moito éxito en Miami. Todo o que escribirei aquí escoiteino a través do boca a boca, preguntando por aquí e por alá, porque non saiu absolutamente nada do tema en ningún medio oficial. Sobre a comunicación en Cuba escribirei noutro momento, non é a miña intención falar agora sobre iso. Hai varios puntos dos cales non teño información, e outros nos que non me creo o que escoito, así que a ver se sacamos unha valoración colectiva do tema, porque se lle está dando moito peso na información internacional.
Ver resto de la entrada »

Publicado en Xornalismo, Imperialismo | 6 comentarios »

14. Septiembre 2009 by Outes.

Artigo orixinal por Jorge Luis Rodríguez González, publicado no xornal Juventud Rebelde, Sábado 12 de Setembro de 2009

Os piratas que operan nas costas somalíes e o Golfo de Adén son presentados polos medios de (des)información como os villanos das historias que contan, mentras que a militarización na rexión impulsada por Estados Unidos, a Organización do Tratado do Atlántico Norte (OTAN) e a Unión Europea (UE) é encumbrada, pois garantiza a protección desas importantes rutas comerciais, por onde circulan cada ano 20.000 buques. Ver resto de la entrada »

Publicado en Xornalismo, Imperialismo | 1 comentario »